نمو براندات الصحة والجمال — من الفريق اللي بيشغّل برانداتي

ليه ده مختلف عن وكالة

بنشتغل على إيه

ماكينة نمو كاملة، مش إعلانات معلّقة في الهوا.

• الكرياتيف

  محتوى بيتجدّد كل أسبوع، مبني على زوايا بتتجرّب وتتقاس — مش إعلان محظوظ بنفضل نكرّره لحد ما يحترق.

• الإعلانات المدفوعة

  بناء الحملات وتوسيع الصرف بالتدريج، مع قياس على ربح الأوردر مش على الـ ROAS لوحده.

• صفحة المنتج والتحويل

  الصفحة اللي بتقول المنتج لمين، والمواد الفعالة بتعمل إيه، والنتيجة هتبان إمتى — ده اللي بيقلّل المرتجعات أكتر من أي خصم.

• العروض والباقات

  تصميم الباقة والروتين بدل الخصم المستمر — في السكينكير ده أنجح طريقة لرفع قيمة الأوردر.

• التكرار والاحتفاظ

  نعرف المنتج بيخلص إمتى، ونكلّم العميل قبلها. الربح في الكوزمتك بييجي من الشرا التاني والتالت.

• الأرقام الأسبوعية

  ربح الأوردر، وتكلفة اكتساب العميل، ونسبة اللي رجعوا اشتروا، ونسبة الأوردرات اللي اتسلّمت فعلاً — في مكان واحد وبنفس الطريقة كل أسبوع.

إزاي بنشتغل

1. ٠١

   تشخيص

   نبص على الأرقام الموجودة: ربح الأوردر، المرتجعات، التكرار، المخزون. ونقولك الفجوة فين قبل ما نتكلم عن صرف.

2. ٠٢

   خطة

   خطة واضحة لأول ٩٠ يوم: الشريحة، والزوايا، والعروض، وسقف الصرف، والرقم اللي هنحكم بيه.

3. ٠٣

   تنفيذ أسبوعي

   كرياتيف جديد وحملات وتعديلات على الصفحة، بإيقاع أسبوعي ثابت مش بموجات.

4. ٠٤

   مراجعة شهرية

   نقعد على الأرقام: إيه اللي اشتغل، وإيه اللي نوقفه، وإيه اللي نوسّع فيه. والقرار بيتاخد على الربح.

الأرقام اللي بنتحاسب عليها

مش ROAS لوحده — ده رقم بيخبّي أكتر ما بيوضّح.

• —صافي ربح الأوردر الواحد بعد المنتج والشحن والمرتجع والإعلان
• —تكلفة اكتساب العميل جنب قيمته على المدى
• —نسبة العملاء اللي رجعوا اشتروا تاني
• —متوسط قيمة الأوردر
• —نسبة الأوردرات اللي اتسلّمت فعلاً

شوف الشغل نفسه

ما بنشارك أرقام عملاء ولا أسماءهم. اللي نقدر نوريك إياه: إزاي بنفكّر وإزاي بنبني.

أسئلة شائعة

ربحني إيجنسي بتشتغل مع أنهي براندات؟

براندات الصحة والجمال والعناية الشخصية — سكينكير، هيركير، وكوزمتك — اللي عندها منتج بيتباع فعلاً. بناخد عدد محدود في نفس الوقت، وما بنشتغلش مع براندين منافسين في نفس الفئة.

إيه الفرق بينكم وبين وكالة تسويق عادية؟

الفريق ده اتبنى جوه براندات عمر وبيشتغل عليها بنفس الطريقة. يعني إحنا أصحاب براندات بنشتغل بفلوسنا في نفس السوق، والقرارات اللي بنقترحها دفعنا تمنها أو كسبنا منها قبل كده. وبنقيس على ربح الأوردر مش على الـ ROAS لوحده.

بتشتغلوا على الإعلانات بس؟

لأ. الإعلان بيجيب ناس، واللي بيبيع هو المحتوى وصفحة المنتج والعرض، واللي بيكسب هو تكرار الشراء. فبنشتغل على المنظومة دي كاملة: كرياتيف، إعلانات، صفحة منتج، باقات، وتكرار — ولو واحدة فيهم مكسورة بنصلّحها الأول.

بتبدأوا إزاي؟

بتشخيص على أرقامك الموجودة: ربح الأوردر، المرتجعات، التكرار، المخزون. بعدها خطة ٩٠ يوم فيها الشريحة والزوايا والعروض وسقف الصرف والرقم اللي هنحكم بيه. التنفيذ أسبوعي والمراجعة شهرية.

بتضمنوا نتيجة معينة؟

لأ. أي حد بيضمن لك رقم في النمو بيبيعلك وهم. اللي بنلتزم بيه: الشفافية في الأرقام، وإيقاع تنفيذ ثابت، وإننا نقولك من البداية لو شايفين إن المشكلة مش في التسويق أصلاً.